تصريح عبقري
انا كنت فاكر نفسي نمس بوند شغلوني في قصر فل والقصر جاله وباء وجايين يسألوا مين اللي دخله ونوعه ايه انا قولت معرفش يابيه روحوا اسألوا صاحب القصر الكبير
انا هنا يادوب غفير وجه في بالي ايه يا وله اللي بتهببه الراجل هياخد علي خاطره كده وتضيع فطيس وترجع تدور ع الرغيف ساعتها جه في بالي تصريح عبقري قولت ادور في الدفاتر اي عيل من اهله تاهت مالوش تمن ولحد تاني هيسألك مين القتيل
وجه في بالي كلمه شفيق طلعت مني لوحدها وخدها مني البوستجي وزعها ع المملكه الطبالين فرحوا كتير وقالوا دي المجدعه لكن عطار المجزره طلع عنده ضمير وقال كلام خطير ابن الخطير كدب كلام المملكه وبقيت يا اخويه في حيص وبيص وسمعت صوت انا من بعيد بيقول
اخوان المملكه قولت اقول انهم سبب البلاوي كلها ما هما اصلا طمعانين في حكم المملكه وافلت انا من الكمين واروح اكل فطير جمب باب المحكمه وبرضوا منفعتش لعبتي عشان الخطير ابن الخطير
قال الوباء كان جوه وانا كنت اقول انه بره احترت انا برضو تاني وبقيتي استخبي من وداني ومش عاوز اسمعه وانا في وسط المعمعه افتكرت ان التتار ع الحدود قولت بس هما دول يا واد وفوت طلع تصريح عبقري وكله هيصدق كدبتك وسيبك من اللي اتقتل اهم حاجه شكلك انت قدام المملكه
ولقتني واقع من ع السرير وطلعت اجري بخضتي
بقلم / هاني عبدالكريم
